ဇူလိုင် ၂၀၊ ၂၀၂၅
Shy V (VOM)
နစက ပြန်လည် ရယူထားတဲ့ နောင်ချိုမှာ ဇူလိုင်လ ၁၈ ရက်နေ့ ညနေ ၆ နာရီခွဲခန့်ကစ ဌာနဆိုင်ရာ ဝန်ထမ်း တချို့ စတင်ဝင်ရောက်လာပြီဖြစ်ကြောင်း ဒေသခံတွေဆီက သိရပါတယ်။
“နောင်ချိုကို ဇူလိုင်လ ၁၈ ရက် ညနေပိုင်းက ဝန်ထမ်းတွေ တသုတ် ဝင်တယ်။” လို့ ဒေသခံ အမျိုးသား တယောက်က ပြောပါတယ်။
ရဲတပ်ဖွဲ့၊ ထွေအုပ် နဲ့ လဝက ဝန်ထမ်း တချို့ဇူလိုင်လ ၁၈ ရက် ညနေ ၆ နာရီခွဲခန့်က ပထမ အသုတ်အဖြစ် ပြန်လည် ဝင်ရောက်လာတာလို့ သူက ပြောပါတယ်။
“နောင်ချိုကို TNLA တပ်ဖွဲ့ ထိန်းချုပ်ထားချိန်တောင်ကြီးမြို့မှာ ခေတ္တရုံးဖွင့်ထားခဲ့ရတဲ့ နိုင်ငံ့ ဝန်ထမ်းတွေလည်း နောင်ချိုမြို့ကိုပြန်လည် ဝင်ရောက်လာနေပါပြီ” လို့ နစက တပ်ဖွဲ့နဲ့ နီးစပ်သူက ပြောပါတယ်။
နောင်ချိုမြို့ကို အုပ်ချုပ်ရေး ယန္တရား ပြန်လည် လည်ပတ်နိုင်ဖို့ ပြင်ဆင်နေပြီဖြစ်ပြီး ရဲတပ်ဖွဲ့လည်း နောင်ချိုမြို့ရှိ သက်ဆိုင်ရာ ရဲစခန်းအသီးသီးမှာ နေရာယူ ထားနိုင်ပြီလို့ သူက ပြောပါတယ်။
စစ်ရှောင်ပြည်သူတချို့လည်း နောင်ချိုမြို့ထဲ ပြန်လည်ဝင်ရောက်လာပြီလို့ ဆိုပါတယ်။
TNLA တပ်ဖွဲ့ ထိန်းချုပ်ထားတဲ့ နောင်ချိုမြို့ကို ဇူလိုင်လ ၁၆ ရက်နေ့မှာ နစက တပ်ဖွဲ့က ပြန်လည်ထိန်းချုပ်လိုက်တာ ဖြစ်ပါတယ်။
Video Crd#
